Fionn

Trí thimpiste a tháinig mé

ar a sheanuaimh, an ghrian

ag lonradh trí scoilt

sa díon, cuma an-éagsúil

ar an áit, an aois mhór a bhí air

greanta ar a aghaidh

ach gan aon mhaolú

ar an bhfáiltiú

a bhí aige dá chomrádaithe,

ba é tús catha, deireadh áir,

a fhios aige go maith cá háit

ba cheart aon líne chatha a tharraingt,

ach anois a chlaíomh ar leataobh,

ní théann sé amach

faoi na cnoic i mbun seilge fiú.

Visit Us On FacebookVisit Us On Google Plus